سبی: سبی کے ریلیف کیمپ میں مقیم سیلاب زدگان نے غیرمعیاری کھانے کے خلاف احتجاجی ریلی نکالی۔ ریلی زرعی و صنعتی نمائش گراؤنڈ سے نکالی گئی۔ مظاہرین مختلف شاہراؤں سے گزر کر کمشنر آفس پہنچے اور دھرنا دیا۔ سیلاب زدگان نے میڈیا کو بتایا کہ کئی دن سے سبی انتظامیہ غیرمعیاری کھانا اور ناقص پانی فراہم کررہی ہے۔ ان کا کہنا تھا کہ سرکاری کیمپوں میں کوئی بھی سہولت میسر نہیں ہے۔ احتجاجی ریلی میں خواتین اور بچے بھی شامل تھے۔
