مریدکے: مریدکے میں ایک شخص نے رشتے کے تنازعہ پر اپنی بیوی اور تین بچوں کو تیز دھار آلے کے وار کرکے قتل کردیا۔پولیس کے مطابق مریدکے شخوپورہ روڈ پر واقعے نواحی گاؤں پنڈی ماچھیاں کا رہائشی محنت کش پچاس سالہ شوکت علی سات بچوں کا باپ ہے۔ وہ اپنی بڑی بیٹی ثمینہ کی شادی کہیں اور کرنا چاہتا تھا جبکہ اسکی بیوی آمنہ بی بی نے بیٹی کا نکاح پیر کے روز اپنے بھتیجے سے کردیا۔ جس کا اسے رنج تھا اسی بناء پر آج سحری کے وقت شوکت نے اپنی بیوی، تین کمسن بیٹیوں بارہ سالہ ثمیرہ ،نوسالہ حمیرا اور پانچ سالہ زنیرہ کو نشہ آور چیز پلا کر بے ہوش کیا اور تیز دھار آلے سے قتل کرنے کے بعد لاشوں کو گھر کے باہر پھینک کر فرار ہوگیا جاتے ہوئے ملزم اپنے پانچ سالہ بیٹے زبیر کو بھی ساتھ لے گیا۔
علاقے میں قتل کی اس لرزہ خیز واردات کے بعد خوف و ہراس پھیل گیا۔پولیس نے لاشوں کو قبضے میں لیکر مردہ خانے بھجوا کر مقدمہ درج کرلیا ہے۔
