کراچی: اے این پی کے رکن قومی اسمبلی پرویز خان کے بھائی آصف جان کو کراچی میں قتل کردیا گیا۔ آصف جان شہری حکومت کے لینڈ ڈیپارٹمنٹ میں اسسٹنٹ اکاؤنٹنٹ تھے۔ دفتری اوقات ختم ہونے کے بعد ڈرائیور نثار کے ہمراہ گھر واپس جارہے تھے کہ سوک سینٹر کے قریب ہی کے ڈی اے پولیس چوکی کے سامنے ایک موٹر سائیکل پر سوار دو افراد نے آصف جان کو ٹارگٹ کرکے فائرنگ کی اور فرار ہوگئے۔
دو گولیاں آصف جان کی گردن اور ایک سر میں لگی جس سے وہ اسپتال پہنچنے سے قبل ہی چل بسے۔ آصف جان پی آئی ڈی سی کے قریب کے ایم سی کواٹرز میں رہائش پزیر تھے۔ انہوں نے بیوی، ایک بیٹی اور چار بیٹے سوگوار چھوڑے ہیں۔
Copyright NNC 2010
